ປະທານ ສປສສ; ມີສະຫາຍຄະນະປະຈໍາພັກ, ຄະນະບໍລິຫານງານພັກ; ບັນດາສະຫາຍເລຂາໜ່ວຍພັກ ແລະສະມາຊິກພັກເຂົ້າຮ່ວມ.
ສະຫາຍ ອານຸສິດ ສຸຂະທໍາມະວົງ ເລຂາໜ່ວຍພັກ ຫົວໜ້າກົມຮ່ວມມືສາກົນ ໄດ້ຜ່ານບົດລາຍງານການເມືອງການເຄື່ອນໄຫວວຽກງານ 5 ປີ ຜ່ານມາ ແລະ ທິດທາງແຜນການ 5 ປີ ຕໍ່ໜ້າ; ຕະຫຼອດໄລຍະການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີI ຂອງໜ່ວຍພັກກົມຮ່ວມມືສາກົນ ກໍຄືການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກສານປະຊາຊົນສູງສຸດ, ໜ່ວຍພັກກົມຮ່ວມມືສາກົນ ໄດ້ເອົາໃຈໃສ່ນໍາພາທາງດ້ານການຈັດຕັ້ງ ເຮັດໃຫ້ການຈັດຕັ້ງພັກ ມີການເຕີບໃຫຍ່ຂະຫຍາຍຕົວຈາກສະມາຊິກພັກ 8 ສະຫາຍ ມາເປັນ 11 ສະຫາຍໃນປັດຈຸບັນ ແລະ ໄດ້ມີໂຄງປະກອບການຈັດຕັ້ງພັກທີ່ຄົບຖ້ວນສົມບູນ; ໄດ້ເອົາໃຈໃສ່ກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ. ໃນນັ້ນ ໄດ້ສຸມໃສ່ກໍ່ສ້າງພັກທາງດ້ານການເມືອງ,ແນວຄິດ, ການຈັດຕັ້ງ ແລະ ແບບແຜນວິທີນໍາພາ; ໄດ້ຈັດຕັ້ງການຮຽນສະໜັບສະໜູນ ແລະ ກົດລະບຽບພັກໃຫ້ເປົ້າໝາຍທີ່ຈະຂະຫຍາຍເຂົ້າເປັນສະມາຊິກພັກ, ໃນໄລຍະ 5 ປີ ຜ່ານມາ ສາມາດຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກໄດ້ 4 ສະຫາຍ, ມະຫາຊົນກ້າວໜ້າໜຶ່ງສະຫາຍ, ນອກຈາກນີ້ຍັງໄດ້ຕິດຕາມມະຫາຊົນກ້າວໜ້າອີກຈໍານວນໜຶ່ງ. ຜ່ານການກວດກາປະເມີນຜົນການຈັດຕັ້ງປະຕິບັດວຽກງານປະຈໍາປີ 2022,2023 ແລະ 2024 ມີສະມາຊິກພັກໄດ້ຮັບຫຼຽນໄຊແຮງງານຊັ້ນ I ຈໍານວນ 1 ສະຫາຍ, ຫຼຽນໄຊແຮງງານຊັ້ນ II ຈໍານວນ 2 ສະຫາຍ, ຫຼຽນໄຊແຮງງານຊັ້ນ III ຈໍານວນ 3 ສະຫາຍ, ຫຼຽນກາແຮງງານ ຈໍານວນ 2 ສະຫາຍ, ໃບຍ້ອງຍໍ ແລະ ໃບຊົມເຊີຍຈໍານວນ 29 ສະຫາຍ, ໄດ້ຮັບຫຼຽນກາລະນຶກ 65 ປີ ວັນສ້າງຕັ້ງຊາວໜຸ່ມປະຊາຊົນປະຕິວັດລາວ ຈໍານວນ 7 ສະຫາຍ, ໄດ້ຮັບນາມມະຍົດກົມກອງດີເດັ່ນປະຈໍາປີ 2023-2024 ແລະ ໄດ້ຮັບນາມມະຍົດໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນປະຈໍາປີ 2023.
ກອງປະຊຸມໄດ້ປ່ອນບັດເລືອກຕັ້ງຄະນະພັກຊຸດໃໝ່ ຂອງກົມກົມຮ່ວມມືສາກົນ ຈໍານວນ 4 ສະຫາຍ, ກອງປະຊຸມຄັ້ງປະຖົມມະລືກເລືອກເອົາສະຫາຍອານຸສິດ ສຸຂະທໍາມະວົງ ເປັນເລຂາໜ່ວຍພັກ; ສະຫາຍ ພູນທອງ ໄຊຍະສິງ ເປັນຮອງເລຂາໜ່ວຍພັກ ທັງເປັນປະທານກວດກາໜ່ວຍ; ສະຫາຍ ຄີ ສີເມືອງ ເປັນຄະນະ ແລະ ສະຫາຍ ນາງ ແວວວິມົນ ຮອງປະທານກວດກາໜ່ວຍພັກກົມຮ່ວມມືສາກົນ.
ຂ່າວ-ພາບ: ຍຸພິນທອງ
ຄໍາເຫັນ